မန်စီးတီးမှာ ပက်ခေတ် ကုန်ဆုံး — မာရက်စကာခေတ် စတင်ပြီ 💙

မန်စီးတီးဟာ ဆယ်စုနှစ်တစ်ခုနီးပါး အသင်းကို ပြောင်းလဲပစ်ခဲ့တဲ့ ပက်ဂွာဒီယိုလာမရှိတော့ဘဲ ရာသီသစ်ကို စတင်ရတော့မှာပါ။ အီတလီနည်းပြ အန်ဇို မာရက်စကာက အသင်းကို ဆက်လက်ဦးဆောင်မှာဖြစ်ပြီး၊ သူဟာ မန်စီးတီးရဲ့ treble ရာသီမှာ ပက်ရဲ့နည်းပြအဖွဲ့ထဲ ပါဝင်ခဲ့ဖူးသူပါ။ ရိုက်တာရဲ့ဖော်ပြချက်အရ မန်စီးတီးဟာ ဩဂုတ် ၂၃ ရက်မှာ ဘုန်းမောက်နဲ့ ရာသီအဖွင့်ပွဲကစားမှာဖြစ်ပါတယ်။

မာရက်စကာအတွက် အခက်ဆုံးက စနစ်ပြောင်းတာမဟုတ်ပါဘူး။ ပက်ထားခဲ့တဲ့ အနိုင်ရမယ့်စိတ်ဓာတ်၊ ကစားပုံအဆင့်အတန်းနဲ့ ပရိသတ်မျှော်လင့်ချက်ကို ဆက်ထိန်းနိုင်မလားဆိုတာပါ။ ဟာလန်း၊ ရိုဒရီတို့လို အမာခံတွေ ရှိသေးပေမယ့် ဘာနာဒို ဆေးလ်ဗားနဲ့ ဂျွန်စတုန်းစ်တို့ ထွက်ခွာထားတာကြောင့် dressing room ထဲက အတွေ့အကြုံပိုင်းမှာ အလွတ်ကြီးတစ်ခု ကျန်နေပါတယ်။