ဘာစီလိုနာက ကန်ဆယ်လိုကို ၂၀၂၉ အထိ ပြန်ခေါ် 🔵🔴

ဘာစီလိုနာအသင်းဟာ ပေါ်တူဂီနောက်ခံလူ ဂျိုအာအို ကန်ဆယ်လို ကို ၂၀၂၉ ခုနှစ် ဇွန်လအထိ စာချုပ်ချုပ်ဆိုပြီး ပြန်လည်ခေါ်ယူလိုက်ပါတယ်။ ကန်ဆယ်လိုအတွက်တော့ ဘာစီလိုနာနဲ့ တတိယအကြိမ်မြောက် ဆုံစည်းမှုဖြစ်ပြီး၊ ဆော်ဒီကလပ် အယ်လ်ဟီလာလ်နဲ့ စာချုပ်ကို နှစ်ဖက်သဘောတူ ဖျက်သိမ်းပြီးနောက် အလွတ်ပြောင်းရွှေ့ကြေးနဲ့ ရောက်လာတာပါ။

ကန်ဆယ်လိုဟာ ဘာစီလိုနာမှာ အရင်ကစားခဲ့တဲ့ကာလတွေမှာ ပွဲပေါင်း ၆၅ ပွဲကစား၊ ၆ ဂိုးသွင်း၊ ၉ ဂိုးဖန်တီးထားသူဖြစ်လို့ အသင်းနဲ့ပတ်ဝန်းကျင်ကို အသစ်လို ပြန်အသားကျစရာ မလိုတော့ပါဘူး။ ဟန်စီ ဖလစ်ခ်ရဲ့ ဘာစီလိုနာအတွက်တော့ ဘယ်/ညာခံစစ်နှစ်ဖက်လုံးမှာ တိုက်စစ်ထဲဝင်ကစားနိုင်တဲ့ နောက်ခံလူတစ်ဦး ထပ်ရလာတာဖြစ်ပြီး လာလီဂါချန်ပီယံဆုကို တတိယနှစ်ဆက် ကာကွယ်ချင်တဲ့ရည်မှန်းချက်ထဲမှာ အရေးကြီးတဲ့လက်နက်တစ်ခု ဖြစ်လာနိုင်ပါတယ်။